கை குழந்தைக்கான சத்தான உணவுகள் !

கை குழந்தைக்கான சத்தான உணவுகள் !

கூட்டு குடும்பமாக வாழ்ந்த காலம் மாறி, தனி குடித்தனமாக குறுகிவிட்ட சூழ்நிலையில், குழந்தை வளர்ப்பு பற்றி தெரிந்து கொள்ள, பெற்றோர் மிக சிரமப்படுகின்றனர்.

குழந்தை பிறந்த ஆறு மாதம் வரை, தாய்ப்பாலே போதும். அதன் பின், உடல் வளர்ச்சிக்கு தேவையான கலோரிகள், தாய்ப்பாலில் அதிகம் இல்லாததால், அதற்கு இணையான உணவுகளை, கஞ்சி வடிவில் நன்கு குழைத்து தருவது அவசியம்.

பச்சரிசியை, "மிக்சி'யில் குருணை போல உடைத்து, வெயிலில் காய வைத்து, வறுத்து, பொடி செய்து, காற்று புகாத டப்பாவில் சேமியுங்கள். ஒரு ஸ்பூன் பச்சரிசி மாவு, மூன்று ஸ்பூன் பாசிப்பருப்புடன் தண்ணீர் சேர்த்து, குழைய வேக வைத்த பின், தேங்காய் எண்ணெய், மூன்று சொட்டு சேர்த்து, நன்கு பிசைந்து, நம் கையாலேயே ஊட்டலாம்.

குறை பிரசவத்தில் பிறந்த குழந்தைகளுக்கு, மருத்துவர்கள் பரிந்துரைக்கும் பல்வேறு சொட்டு மருந்துகள், தேங்காய் எண்ணெயில் உள்ள சத்துக்கள் தான், உடலுக்கு வளம் சேர்க்கும். தேன்வாழை, ரஸ்தாளி, மலை வாழை போன்றவற்றின் விதைகளை நீக்கி, கைகளால் நன்கு மசித்து கொடுத்தால், உடல் எடை அதிகரிக்கும்.

ஏழாம் மாதத்தில் இருந்து கேரட், உருளைகிழங்குகளை நன்கு வேக வைத்து, தோல் நீக்கி, மிளகு, சிறிதளவு உப்பு சேர்த்து, நன்கு மசித்து தர வேண்டும்.

ஒன்பதாம் மாதத்திலிருந்து, அதிக நார்சத்துள்ள கீரை உணவுகளை, நன்கு வேகவைத்து, அதை கடைந்து, உப்பு, சீரகம், மிளகு சேர்த்து கொடுக்கலாம்.

பெற்றோர், தன் குழந்தைக்கு ஈறு வளர்ந்திருக்கிறதா என, கண்காணிக்க வேண்டும். ஈறு வளர்ந்து விட்டால், அதன் பின், நாம் சாப்பிடும் உணவுகளையே குழந்தைக்கும், கொடுக்க ஆரம்பிக்கலாம்.

எட்டு மாதங்கள் வரை அதிக காரம், இனிப்பு, புளிப்பு உள்ள எந்த பதார்த்தத்தையும் தரக்கூடாது. ஏனெனில், தரப்படும் சுவைக்கு ஏற்ப, அச்சுவைக்கு அடிமையாகி, வேறு எந்த உணவையும், உண்ண விரும்ப மாட்டார்கள்.

இதை பின்பற்றினாலே, குழந்தைகள் போதுமான உடல் எடையுடன், ஆரோக்கியமாக இருப்பர்.

ஆறு மாத குழந்தைகளுக்கு, உணவளிக்கும் முறைகளை சொன்னவர் சித்த மருத்துவர், கு.சிவராமன்: தினமலர்

========================================================

குழந்தை உணவுகள் 6 மாதம் முதல் 1 வயது வரை.

இங்கு நான் உங்களுக்கு சொல்ல போவது குழந்தைக்கு என்ன என்ன காய்கறிகள்,கறிகள்,மீன்கள்,மாவு பொருள்கள் எல்லாம் எந்த எந்த மாதத்தில் தொடங்க வேண்டும் என்று சொல்ல போகிறேன்.
இது சாதாரணமாக நான் என் பிள்ளைகளுக்கு கொடுத்தது. இது பிள்ளைகளின் உடல் நிலைக்கு ஏற்றதுப்போல் கொடுக்கவும்.

6 மாதத்தில் கொடுக்க வேண்டிய உணவு:

காய்க்கறிகள்:
நன்றாக வேக வைத்து, மையாக அரைத்து கொடுக்க வேண்டும். கொஞ்சம் தண்ணீர்ராக கொடுக்கவும்.

கேரட்,பீன்ஸ்,மஞ்சள் பூசணிக்காய்,சுக்கினி,புரோக்கோலி,பசலைக்கீரை,தக்காளி,பீட்ரூட்

பால் சம்மந்தப்பட்ட உணவு:
பால்

மாவு சத்து உணவு:
அரிசி சம்மதப்பட்ட உணவு
உருளைக்கிழங்கு,செர்லாக்,ஜவ்வரிசி

பழங்கள்:
ஆப்பிள்,வாழைப்பழம்,பேரிக்காய்

8 மாத குழந்தைக்கு கொடுக்க வேண்டிய உணவு:

வேகவைத்து மசித்த காய்க்கறிகள்/ கொஞ்சம் கட்டியாக கொடுக்கலாம்.

பச்சைப்பட்டாணி

பால் சம்மந்தப்பட்ட உணவு:
பால்

எண்ணெய், வெண்ணெய் சேர்க்கலாம்

புரோட்டீன் உணவு:
இறைச்சி,கோழி,மீன்(நாக்கு மீன் போன்றது) ,ஹேம்(ham)

மாவு சத்து உணவு:
மக்கரோனி,சேமியா,ரவை,கோதுமை சம்மந்தப்பட்ட உணவுகள்.

10 மாதக்குழந்தைக்கு கொடுக்க வேண்டிய உணவுகள்:

இந்த வயதில் பிள்ளைக்கு அரையும் குறையும்மாக அரைத்துக்கொடுக்கவும்.

காய்கறிகள்:
முள்ளங்கி,கோஸ்,கத்தரிக்காய்,குடைமிளக்காய்,வெள்ளரிக்காய்

புரோட்டீன் உணவுகள்:
முட்டையின் மஞ்சள் கரு மட்டும் கொடுக்கலாம்.

பால் உணவுகள்:
பால்லாடைக்கட்டி (வாஷ்கீரி- vache que rit ), தயிர்

மாவு சத்து உணவுகள்:

ரொட்டியின் உள்ளிருக்கும் வெள்ளை பகுதியை நாம் இருக்கும் போது நாமே கொஞ்சம் கொஞ்சமாக கொடுக்க வேண்டும்.
ரோல் ரொட்டியில் இருக்கும்,கடைசி பகுதியை பிள்ளையின் கையில் கொடுத்து சாப்பிட கொடுக்கலாம். நாம் பார்த்துக்கொண்டே இருக்க வேண்டும்.

1 வயது குழந்தைக்கு கொடுக்க வேண்டிய உணவுகள்:

கொஞ்சமாக அரைத்தாலே போதும். இந்த வயதில் குழந்தைக்கு பல் இருப்பதால், கால் பாகம் அரைத்தாலே போதும்.

தக்காளி போன்ற காய்யை வேக வைக்கமல் கொடுக்கலாம். கொஞ்சம் வினிகர் ஊற்றிக்கூடக்கொடுக்கலாம்.

புரோட்டீன் உணவுகள்:

இந்த வயதிலிருந்து, முழு முட்டை கொடுக்க தொடங்கலாம்.
உப்பு இந்த வயதில் தான் சேர்க்க வேண்டும்.

பழங்கள்:
எல்லாவித பழங்களும் கொடுக்கலாம்

குழந்தைக்கு உணவுக்கொடுக்கும் போது, உப்பு, சர்க்கரையை அதிகம் தவிர்க்கவும்.
எண்ணெய், வெண்ணெய்யும் தவிர்க்கவும்.

கூடுமான வரை நீங்களாகவே உங்கள் குழந்தைக்கு உணவு தயாரித்துக்கொடுங்கள்.வாங்கிக்கொடுக்காதீர்கள்.

கண்டிப்பாக இது உங்களுக்கு உதவும் என்று நினைக்கிறேன்.