தீர்த்தம் சிறுகதை

#ஜெட்_வேக_கதை8

#தீர்த்தம்

ராஜ்ஸ்ரீ

10/10/2020 காலை 5.30மணி

நாதன் தன் 10 வயது மகன் சாரதியை படுக்கையில் இருந்து எழுப்பி ஏண்டா அம்பி ,இன்னைக்கு புரட்டாசி மாதம் கடைசி சனிக்கிழமை, சீக்கிரம் எழுந்திரிச்சி வாடா கோவிலுக்கு போய் பகவானை சேவிச்சுண்டு வருவோம்.

சாரதி ; கண் விழித்து உள்ளங்கையை பார்த்த பின் தந்தையின் முகம் பார்த்து இதோ உடனே குளிச்சிண்டு தயார் ஆறேன் அப்பா.

நாதன் ; சமையல் அறை பக்கம் பார்த்து, ஏண்டி மரகதம், பூஜைக்கு தேவையான துளசி மாலை வாங்கி வச்சிண்டயா?

மரகதம்; ஓ! நேத்தே வாங்கி வச்சுண்டேன். ண்ணா

காலை 6.30மணி
நாதன் ; மரகதம் சீக்கிரம் வந்து வண்டியில உட்காரு டீ, இப்பவே போனா தான் பகவானை சீக்கிரமா பார்க்க முடியும் , ஜனங்க வர்றதுக்கு முன்னாடியே போய்ட்டு வந்துடலாம்.. சாரதி முகத்துல மாஸ்க் ஐ நல்லா மாட்டி விடுடி..

சாரதி ; நீங்களும் ஹெல்மெட் போடுங்க அப்பா , இல்லைனா போனமுறை மாதிரி போலீஸ் கு பணம் கட்ட வேண்டி வரும்..

நாதன் : இதோ, மாட்டிண்டரென் அவாளுக்கு எதுக்கு தேவையில்லாத தண்டம் கட்டணும். என்று சொல்லிவிட்டு, ( மூன்றாவது தெருவில் உள்ள கோவிலுக்கு போக கூட ஹெல்மெட் மாட்டானுமா? என்று மனதில் புலம்பிக்கொண்டு ) activa 4G வண்டியின் இன்ஜினுக்கு action கொடுத்து புறப்பட்டார்கள்.

நாதன் ; மரகதம் பார்த்தியா இவ்வளவு சீக்கிரம் வந்தே இவ்வளவு கூட்டம் இருக்கு. என்று சொல்லிவிட்டு வரிசையில் நின்றார்கள்.

கோவிலின் முன்பு நின்று இருந்த ஊழியர் நாதனை பார்த்து சார் ஒரு நிமிஷம் என்று சொல்லி நெற்றியில்
லேசர் தெர்மா மீட்டருக்கு உயிர் கொடுத்து உடலின் வெப்பத்தை பார்த்தார் .ம்ம் ஓகே கையில் சானிடைசர் தெளித்து விட்டு போகலாம் என்று சொல்லி அடுத்தவரை சோதனை செய்தார்.

சாரதி; எதுக்கு அப்பா நெற்றியில் துப்பாக்கி மாதிரி இருந்ததை வைத்து என்ன செய்தார்கள்?. கையில் ஏதோ தண்ணீர் மாதிரி தெளித்து விட்டார்கள்?
ஒரே வாடை..

நாதன் ; அது தெர்மா மீட்டர் உடலின் வெப்பத்தை(காய்ச்சல் உள்ளதா என்று) பரிசோதிப்பது டா அம்பி.
கையில் தண்ணி மாதிரி தெளிச்சது சானிடைசர் திரவம் , கையில் உள்ள கிருமிகள் எல்லாம் செத்து போயிடும் டா கண்ணா..

ஐயரிடம் துளசி மாலையை தந்துவிட்டு பகவானை சேவிச்சுண்டு வெளியே தீர்த்தம் வாங்கி குடித்தார்.
நாதன் ; சாரதி பகவான் தீர்த்தம் வாங்கி குடிடா எந்த நோயும் நமக்கு வராது. கெட்ட கிருமிகள் எல்லாம் நம்ம விட்டு போயுடும். ஆரோக்கியமா இருக்கலாம்..

சாரதி ; அப்போ #தீர்த்தம் பேரு தான் இங்கிலீஷ் ல #சானிடைசர் ஆ அப்பா??.

குறிப்பு ; எந்த மத நம்பிக்கையையும் புண் படுத்தும் நோக்கம் அல்ல.