எளிய சித்த மருத்துவ குறிப்புகள்

கண் குறைபாடுகள் அனைத்திற்கும் தீர்வு தரும் நேத்திர பூண்டு தைலம் செய்முறை விளக்கம்:

1.சுத்தமான நல்லெண்ணெய் – 100 மி

2.நேத்திரப்பூண்டு – 50 கிராம்

3.தும்பை -10 கிராம்

4.கரிசாலை -10 கிராம்

5.பொன்னாங்காணி -10 கிராம்

6.கற்றாழை – 10 கிராம்

செய்முறை விளக்கம்:

✍️ வரிசை எண் 3 முதல் 6 வரை உள்ள இலைகளை சுத்தம் செய்து அரைத்து பிழிந்து சாறு எடுத்து கொள்ளுங்கள்

✍️ பிறகு நல்லெண்ணெய் ஒரு வாணலியில் ஊற்றி கொதிக்க வைத்து அதில் நேத்திரப்பூண்டு அரைத்து அதில் போட்டு நன்கு கொதிக்க விடவும் பிறகு 50-மி யாக சுண்டியதும் வடிகட்டி கொள்ளவும்

✍️ வடிகட்டிய எண்ணையில் ஏற்கவனே தயார் செய்து வைத்துள்ள சாறு கலந்து கொள்ளவும் 

✍️ கலந்து வைத்து கொண்டு இந்த எண்ணெயை மதியசூரிய வெயிலில் படும்படி ஒரு 3 மணிநேரம் வைக்கவும்

பிறகு,இந்த எண்ணை பயன்படுத்த தயார்

பயன்படுத்தும் முறை:

✍️காலை மற்றும் இரவு ஓய்வு நேரங்களில் இரு கண்களுக்கும் 2 சொட்டு அளவு விட்டு கண்களை மூடி மூடி திறக்கவும் பிறகு 30 நிமிடம் ஓய்வில் இருக்கவும்,பிறகு தேவைப்பட்டால் முகம் கழுவி கொள்ளலாம்

✍️இதை 15 முதல் 60 வயதினர் மட்டுமே பயன்படுத்த வேண்டும், குழந்தைகள் எடுக்க கூடாது

✍️அதிகப்பட்சம் 21 நாட்கள் பயன்படுத்தினால் போதும்

மருத்துவ பயன்கள் என்ன???

1.கண்களை சுத்தம் செய்யும்

2.புரை ஆரம்ப நிலையில் தடுக்கும்

3.கண் எரிச்சல் கண் அரிப்பு உடனடியாக தீரும்

4.கண் வலி நீங்கும்

5.தூரபார்வை மற்றும் கிட்டபார்வை தெளிவு பெற வாய்ப்புகள் அதிகம் உள்ளது.

**********************

தீராத ஆஸ்துமா இயற்கை முறையில் குணமாக இயற்கை வைத்தியம் செய்முறை:

தேவையான பொருட்கள்…

1.துளசிச் சாறு – 20 மில்லி

2.ஆடாதொடைச் சாறு – 10 மில்லி

3.கண்டங்கத்தரி சாறு – 10 மில்லி

4.கற்பூரவல்லிச் சாறு – 10 மில்லி

5.புதினாச்சாறு – 20 மில்லி

6.சுக்கு – 5 கிராம்

7.ஓமம் – 5 கிராம்

8.அதிமதுரம் – 20 கிராம்

9.சித்தரத்தை – 20 கிராம்

10.மிளகு – 5 கிராம்

11.திப்பிலி – 5 கிராம்

12.பச்சை கற்பூரம் – 5 கிராம்

13.தேன் – 200 கிராம்

செய்முறை:

இதில் 6 முதல் 11 வரை உள்ள சரக்குகளை தூள் செய்து, 1 லிட்டர் தண்ணீர் சேர்த்து நன்கு கொதிக்க வைத்து நான்கில் ஒரு பங்காய் சுண்டக்காய்ச்சவும். பின்னர் அதை வடிகட்டிவிடவும்.

1 முதல் 5 வரை உள்ள சாறுகளை ஒன்றாகக் கலந்து நன்கு கொதிக்க வைக்கவும். பாதியாக சுண்டிய பின் ஏற்கனவே தயாரித்து வைத்துள்ள கசாயத்துடன் கலந்து வைக்கவும்.

பின்னர் தேனை ஒரு பாத்திரத்தில் ஊற்றி சிறு தீயாய் எரித்து கொதிக்க விடவும். தேனில் நுரை நீக்கி, ஏற்கனவே தயாரித்துள்ள கசாயத்தை தேனுடன் கலந்து சிறு தீயாய் எரிக்கவும். நல்ல பதத்தில் இறக்கிவிடவும்.

சூடு ஆறிய பின்பு, பச்சைக் கற்பூரத்தை தூள் செய்து மருந்துடன் கலந்துவிடவும். 

எடுத்துக்கொள்ளும் முறை:

5 மி மூன்று வேலையும் உணவுக்கு பின்பு எடுக்கவும். சுடுநீர் மட்டுமே குடிக்க வேண்டும்...

🔽🔽🔽🔽🔽🔽🔽🔽🔽🔽🔽🔽🔽

கிராமத்து கை வைத்திய மருந்து குறிப்புகள்

கிராமங்களில் கையாண்டு மருத்துவமனை பக்கமே போகாமல் இருந்த காலக் கட்டத்தில் அவர்களை அவ்வாறு பாதுகாத்த கை பக்குவம்.

முடிந்தால் நீங்களும் கையாண்டு பலன் பெறலாம்.இந்த வீட்டு அஞ்சறை பெட்டி மருத்துவம் உங்களுக்கு  பின் விளைவுகள் இல்லா  பலன்தரும்.

நீங்கள் இதே வியாதிக்கு சிறப்பு மருத்துவரிடம் சென்றால் பின்விளைவு உங்களுக்கு மட்டுமல்ல உங்கள் கல்லா பெட்டிக்கும்தான் பாதிப்பை தந்து விடும்.

• நெல்லி வற்றல்- சந்தனத்தூள்- கொத்தமல்லி  மூன்றையும் தண்ணீரில் ஊற வைத்தபின் வடிகட்டி அந்த நீரை அருந்தி வந்தால் தலை சுற்றல், கிறுகிறுப்பு முதலியன குறையும்.

• வெல்லத்தை கெட்டியாகப் பாகு வைத்து அதில் மிளகை ஒன்றிரண்டாகப் பொடித்துப் போட்டு உருட்டி வைத்தால் இருமல் வரும்போது வாயில் அடக்கிக் கொள்ள இருமல் நிற்கும்.

• மண் சட்டியில் உப்பை வறுத்துத் துணியில் கட்டி உப்பு ஒத்தடம் இரண்டு மூன்று வேளை கொடுத்தால் கழுத்து வலி நீங்கிவிடும்.

• வயலட் நிறமுள்ள பிஞ்சு கத்தரிக்காய், கருஞ்சிவப்பு நிறமுள்ள பசலைக் கீரை, சிவப்பு பொன்னாங்கண்ணிக் கீரை இவற்றில் அயோடின் சத்து அதிகம் உள்ளது. இவற்றை அதிகமாகக் குழையவிடாமல் சாப்பிட்டு வர சிறுநீர் போகும்போது ஏற்படும் எரிச்சல் நீங்கிவிடும்.

• நூல்கோலைத் துருவி ஊறவைத்து பயத்தம் பருப்பு கலந்து உப்பு பிசறி எலுமிச்சைச்சாறு பிழிந்து சாப்பிட்டால் சர்க்கரை நோய்க்கு அருமருந்தாகும்.

• தேங்காய் எண்ணெயை மிதமான தீயில் வைத்துக் காய்ந்ததும் வேப்பிலையைப் போட்டு பொரித்து எடுத்துவிடவும். கொத்தாகக்கூடப் போடலாம். பிறகு இறக்கி வைத்துக் கொஞ்சம் வெந்தயம் போட்டு மூடிவைக்கவும். இந்த எண்ணெய்யைத் தலையில் தடவிவந்தால் வெயிலால் வரும் உடல் சூடு குறையும். வெப்ப நோய்கள் தாக்காது.

• வயிற்றில் பிரச்னை ஏற்பட்டால் கொஞ்சம் சீரகத்தை எடுத்து கொதிநீரில் போட்டு கஷாயமாக இரண்டு வேளை குடித்து வர நிவாரணம் கிடைக்கும்.

மாதுளைச் சாறு தினமும் குடித்து வந்தால் ரத்த அழுத்தம், கொழுப்பு, நச்சுத்தன்மை என பல பிரச்னைகளுக்கு தீர்வு கிடைக்கும்.

• பொடி செய்த ஓமத்தை பாலில் கலந்து வடிகட்டி படுக்கும் முன் குழந்தைகளுக்குக் கொடுத்தால் சளியை தூர விரட்டும்.

• திராட்சையை பன்னீரில் ஊறவைத்துச் சாப்பிட்டால் இதயம் பலம் பெறும். தொடர்ந்து திராட்சை உண்பவர்களுக்கு நோய் எதிர்ப்பு சக்தி நிச்சயம்.

• வயிற்றுப்போக்கு அதிகமாக இருந்தால் ஜவ்வரிசியை சாதம் போல வைத்து மோரில் கரைத்து உப்புப் போட்டுச் சாப்பிட்டால் வயிற்றுப்போக்கு நின்றுவிடும்; வயிற்று வலியும் இருக்காது.

• குழந்தைகள் ஞாபகசக்தியுடன் இருக்க வேண்டுமானால் தினமும் காலை உணவுக்குப் பின் வெந்நீரில் ஒரு தேக்கரண்டி தேன் கலந்து குடிக்க வையுங்கள்.

• சின்ன வெங்காயத்தை சிறிது எண்ணெய்விட்டு வதக்கவும். வெறும் வயிற்றில் தினமும் ஐந்தாறு என்ற கணக்கில் இரண்டு வாரங்கள் சாப்பிட்டு வர நரம்புத் தளர்ச்சி குணமாகும். உடலும் குளிர்ச்சியடையும்.

🔽🔽🔽🔽🔽🔽🔽🔽🔽🔽🔽

ஆண்மை அதிகரிக்கவும் நீண்ட நேர உடலுறவுக்கு உதவும் ஜாதிகாய்ப்பத்திரி சூரணம்

தேவையான மூலப்பொருட்கள்:

1.நாட்டு ஜாதிக்காய் - 200g

2.ஜாதிபத்திரி - 75g

3.ஆட்டுப்பால் - 100ml

4.நெய் - 50ml

செய்முறை:

ஜாதிக்காய் 2 ஆக உடைத்து அதை இரவு முழுவதும் ஆட்டுபாலில் இரவு முழுவதும் ஊற வைக்கவும்

நன்கு ஊறிய ஜாதிக்காயை வெயிலில் காயவைத்து நன்கு காய்ந்த பிறகு

ஒரு வாணலியில் நெய் ஊற்றி காய்ந்த ஜாதிக்காய் போட்டு நன்கு வறுக்கவும்

பிறகு வறுத்த ஜாதிக்காய் மற்றும் ஜாதிபத்திரி ஆகியவற்றை சேர்த்து நன்கு பொடியாக அரைத்து கொள்ளவும்

சாப்பிடும் முறை:

100மி சூடான பாலில் 3 கிராம் அளவு இந்த பொடியை கலந்து உடலுறவுக்கு 2 மணி நேரம் முன்னதாக குடிக்கவும்

இதனை தினமும் குடிக்கலாம் அனைவருக்கும் பலன் கொடுக்கும் பக்கவிளைவுகள் வர வாய்ப்பில்லை

பயன்கள்:

ஆண்மை அதிகரிக்கும்,விந்து முந்துதல் தடுத்து அதிக நேரம் உடலுறவு வைக்க உதவும்

இதனை தயாரிக்க ரூ.400 முதல் 750 வரை செலவாகும்... முடிந்த வரை முதல் தரமான பழைய நாட்டு ஜாதிகாய்கள் வாங்கி கொள்ளுங்கள்.

🔽🔽🔽🔽🔽🔽🔽🔽🔽🔽🔽🔽🔽

கருத்தரிப்பை தடுத்து பாதுகாப்பான முறையில் உடலுறவு கொள்ள உதவும் பூவரசம் பட்டையை பயன்படுத்துவது எப்படி…???

************

குழந்தைக்காக தவமாய் தவமிருக்கும் தம்பதியினருக்கு மத்தியில் கருத்தரிப்பை தடுக்க நினைக்கும் தம்பதியினரும் இருக்க தான் செய்கிறார்கள். கருத்தரிப்பை தவிர்க்க கருத்தடை சாதனங்கள், பாதுகாப்பான வழியில் உடலுறவு, ஆணுறை, கருத்தடை மாத்திரைகள் போன்றவை பயன்படுத்தப்படுகின்றன.

இன்னும் சிலர் தங்களுக்கு மாதவிடாய் நாட்கள் முடிவடைந்து கருமுட்டை வெளிவரும் நாட்களை கணக்கு செய்து அந்த நாட்களில் மட்டும் உடலுறவு வைத்து கொள்வதை தவிர்த்து விடுகின்றனர். குறைந்த எண்ணிக்கையிலான மக்களே கருத்தரிப்பை தடுக்க குடும்ப கட்டுப்பாடு என்ற ஆப்ஷனிற்கு செல்கின்றனர். 

ஆனால் உண்மையில் இது போன்ற கருத்தரிப்பை தள்ளிப்போட நினைக்கும் தம்பதி மற்றும் கருத்தரிப்பை தடுக்க நினைப்பவர்கள் மருத்துவரை ஆலோசித்து அதற்கேற்ப செயல்படுவது நல்லது. இதைத்தவிர கருத்தரிப்பை இயற்கையாக தடுக்கக்கூடிய சில இயற்கை வைத்தியங்களும் உள்ளன. அதில் ஒன்று தான் பூவரசம் பட்டை. கருத்தரிப்பை தவிர்க்க நினைப்பவர்கள் இந்த பூவரசம் பட்டையை பயன்படுத்தலாம். 

பூவரசம் இலைகள், பூக்கள், காய், விதைகள் மற்றும் வேர் ஆகிய அனைத்துமே மருத்துவ குணங்கள் கொண்டவை. இப்போது இந்த மரத்தின் பட்டையை வைத்து கருத்தரிப்பை எப்படி தவிர்க்கலாம் என்பது பற்றி இந்த பதிவில் பார்க்கலாம். பூவரசம் மரத்தின் அடிப்பகுதியில் கரடுமுரடாக இருக்கும் பட்டையில் சிறிதளவு எடுத்து கொள்ளுங்கள்.

இந்த பட்டையில் உள்ள சொர சொரப்பை நீக்கி விட வேண்டும். பிறகு அதிலுள்ள பட்டையை மட்டும் தனியாக எடுத்து அதனை பொடியாக நறுக்கி கொள்ளவும். நறுக்கிய பட்டையை வெயிலில் காய வையுங்கள். இதனை நம் கைகளால் உடைக்கும் போது பட்டென்று உடைய வேண்டும். அந்த அளவிற்கு அவற்றை காய வைத்து கொள்ளுங்கள். இதனை வைத்து நமக்கு தேவையான மருந்தை எப்படி தயாரிப்பது என பார்க்கலாம்.

தேவையான பொருட்கள்:

பூவரசம் பட்டை- 50 கிராம்

சீமைக்காசு கட்டி- 50 கிராம்

இந்துப்பு- 50 கிராம்

இந்த பொருட்களை எல்லாம் எங்கு வாங்குவது என குழப்பம் அடைய வேண்டாம். இவை அனைத்துமே நாட்டு மருந்து கடைகளில் கிடைக்கும். இவை மூன்றையும் பொடியாக அரைத்து ஒரு சல்லடை கொண்டு நைசாக சலித்து கொள்ளவும். இந்த பொடியில் 1/2 தேக்கரண்டி அளவு எடுத்து அதனை 1/4 டம்ளர் வெதுவெதுப்பான தண்ணீரில் கலந்து மாதவிடாய் நாளில் இருந்து காலை வெறும் வயிற்றில் குடிக்க வேண்டும். 

இதனை சாப்பிட்ட ஒரு மணி நேரத்திற்கு வேறு எதையும் சாப்பிட கூடாது. இதனை தொடர்ந்து ஏழு நாட்கள் சாப்பிட்டு வாருங்கள். இந்த மருந்தை எடுத்து கொள்ளும் போது இதன் தன்மை குறையாமல் இருக்க மென்மையான உணவுகளான மோர், தயிர், பருப்பு, மிளகு போன்றவற்றை உணவில் சேர்த்து கொள்ளுங்கள். 

ஏழு நாட்கள் தொடர்ந்து சாப்பிட்ட பிறகு எட்டாவது நாள் தலைக்கு எண்ணெய் வைத்து குளித்து விட்டு உங்களுக்கு விருப்பமான உணவுகளை உண்ண ஆரம்பியுங்கள். இதனை ஒரு முறை சரியான பத்திய உணவோடு எடுத்து வரும்போது ஆறு மாதங்களுக்கு கருத்தரிக்காது. ஆறு மாத காலம் முடிந்த பின் மீண்டும் ஒரு முறை ஏழு நாட்களுக்கு எடுக்கலாம். இதனால் எந்த ஒரு பக்த விளைவுகளும் ஏற்படாது. ஆனால் எல்லா மாதமும் இதனை சாப்பிட கூடாது. உங்களுக்கு ஏதேனும் சந்தேகம் இருந்தால் உங்கள் மருத்துவரை ஆலோசித்த பிறகு இதனை எடுக்கலாம்.

🔽🔽🔽🔽🔽🔽🔽🔽🔽🔽🔽

தோல் சம்மந்தப்பட்ட அனைத்து நோய்களுக்கும் ஒரே எண்ணெய் செய்முறை விளக்கம்

✍️தேவையான மூலப்பொருட்கள்:

1.மூக்கிரட்டை வேர்கிழங்கு - 25g

2.புண்ணை விதைகள் - 25g

3.ஆவாரம்பூ - 25g

5.மருதாணி - 50g

6.நல்லெண்ணெய் - 200ml

✍️செய்முறை விளக்கம்:

மூக்கிரட்டை,புண்ணை விதைகள்,ஆவாரம் பூ,மருதாணி அனைத்தையும் வெயிலில் நன்கு காய வைக்கவும் 

காயவைத்த பொருட்களை அனைத்தையும் சேர்த்து நன்கு அரைத்து வைத்து கொள்ளவும்

பிறகு நல்லெண்ணெய் கொதிக்க வைத்து இந்த பொடியை அதில் கலந்து நன்கு சுண்ட வைக்கவும்

200மி எண்ணெய் 100மி ஆகும் வரை சுண்ட வைக்கலாம் ஆறிய பிறகு வடிகட்டி நேரடியாக பயன்படுத்தலாம்

✍️பயன்படுத்தும் முறை:

பாதிப்பு உள்ள இடங்களில் தடவி உளரவைக்கவும்,அல்லது வெயிலில் காயவைக்கவும்

✍️பயன்கள்:

சொறி சிரங்கு,தோல் அரிப்பு, தீராத புண்,தோல் எரிச்சல்,படர்தாமரை, சொரியாசில் ஆகியவைக்கு நல்ல தீர்வு கிடைக்கும்.

🔽🔽🔽🔽🔽🔽🔽🔽🔽🔽🔽🔽

ஏலாதி சூரணம் செய்முறை விளக்கம்

தேவையான பொருட்கள் 

1.ஏலக்காய் - 25 கிராம்

2.சுக்கு - 50 கிராம்

3.தாளிசபத்திரி - 80 கிராம்

4.சிருநாகப்பூ - 40 கிராம்

5.மிளகு - 20 கிராம்

6.இலவங்கம் - 10 கிராம்  

7.கற்கண்டு - 100 கிராம்

செய்முறை 

அனைத்தையும் முறைப்படி சுத்தம் செய்து அரைத்து ஒன்றாக கலந்து வைத்துக்கொள்ளவும். கற்கண்டை பொடித்து ஒன்று சேர்த்து சலித்து அனைத்தையும் நன்றாக கலந்து வைக்கவும்.

அளவு : 

1 கிராம் முதல் 2 கிராம் வரை காலை இரவு உணவுக்கு பின் எடுக்கவும்

ஏலாதி சூரணத்தின் நன்மைகள் :

உடலில் வியாதி எதிர்ப்பு திறனை அதிகரித்து, பசியின்மை, உணவு செரிமான பாதிப்பினால் உண்டாகும் வாந்தியைப் போக்கி, செரிமானத்தைத் தூண்டும் தன்மை மிக்கது. காமாலை எனும் உடல் சூட்டினால் உண்டாகக் கூடிய வியாதிகளைத் தீர்க்கும் ஆற்றல்மிக்கது.

1.கர்ப்பிணிகளின் செரிமானத்திற்கு:

கருவுற்ற தாய்மார்களுக்கு உணவு செரிமானத்தை அளித்து, உடலுக்குத் தேவையான சத்துக்களை அளிக்கும் ஏலாதி சூரணம், உடலில் ஏற்படும் கிருமித் தொற்றைப் போக்கக்கூடியது.

2.சத்துக்கள் கிடைக்க :

கருவுற்ற மூன்றாம் மாதத்தில் இருந்து ஏலாதியை தேனில் கலந்து, பெண்கள் உண்டுவர, பசியின்மை விலகி, உணவில் நாட்டம் அதிகரித்து, உடலுக்குத் தேவையான சத்துகள் கிட்டும். பசியைத்தூண்டி, உடல்நலம் காக்கும் ஏலாதி சூரணம், இதய வியாதிகளைப் போக்குவதில் அற்புத செயல்திறன் மிக்கது.

3.இதய பாதிப்புகள் போக்கும் :

சிறுங்கி பற்பம் எனும் சித்த மருந்துடன் ஏலாதி சூரணம் சேர்த்து சாப்பிட, தீவிர நிலை இதய வியாதிகள் பாதிப்புகள் நீங்கி, நலமுடன் வாழ முடியும்.

4.இதய அடைப்பு குணமாக :

இந்த மருந்தை முறையாக சாப்பிட, தற்காலத்தில் இதய இரத்த நாளங்களில் ஏற்படும் அடைப்பை சரிசெய்ய செய்யப்படும் ஆஞ்சியோ சிகிச்சையைக்கூட, தவிர்க்க முடியும் என்று சித்த மருத்துவர்கள் கூறுகின்றனர்.

5.மேனி பளபளப்புக்கு :

உடல் எடையைக் குறைக்கவும், உடல் நிறத்தை மேம்படுத்தவும், ஏலாதி சூரணத்தை குளிக்கும்போது, உடலில் நன்கு தடவிக்கொண்டு, குளித்துவருவர். ஏலாதி பொடியை, நீரில் கலந்து, குளிக்கும் முன் உடலில், முகத்தில் தடவி, சற்றுநேரம் கழித்து, குளித்துவர, உடல் புத்துணர்வாகும், சருமம் பொலிவாகும். உடல் எடையும் குறையும்.

நன்றி ; ரிஷி நேத்ராலயா