அனைத்து காய்ச்சல் குணமாக்கும் 6 வகை கசாயங்கள் .. மூலிகைகள் குடிநீர்

தகவல்கள்- மைக்கேல்ராஜ், பசுமைப்பாதை.

98430 85615, 99430 85615.

அனைத்து வகையான கிருமிகளின் தொற்றுகள், நோய்களை தடுக்கும்/ குணமாக்கும் 6 கசாயங்கள்! 

நீங்களே தயாரிக்கலாம்!!

🌺சுக்கு - மல்லி கசாயம்

தேவையானவை:

சுக்கு - 10 கிராம்,

மல்லி - 20 கிராம்,

சீரகம் - 5 கிராம்.

செய்முறை:

சுக்கு, மல்லி, சீரகத்துடன் நான்கு டம்ளர் தண்ணீர் சேர்த்து, ஒரு டம்ளராக வற்றும் அளவு கொதிக்க வைத்து வடிகட்ட வேண்டும். அதை ஆறவைத்தோ, மிதமான சூட்டிலோ பருகலாம். பனைவெல்லம் சேர்த்தும் குடிக்கலாம். இந்தக் கசாயத்தை உணவுக்குப்பின் காலை, மாலை இருவேளை குடிக்க வேண்டும்.

பலன்கள்:

மழைக்காலங்களில் வரும் பூஞ்சை பற்று பிரச்னைகளை தீர்க்க உதவும். வயிறு உபாதைகளை சரியாக்கும். குமட்டல், தீராத ஏப்பத்தை முறையாக்கும்.

🌺அறுகம்புல் கசாயம்

தேவையானவை:

அறுகம்புல் - ஒரு கைப்பிடி,

மிளகு - 10

செய்முறை:

அறுகம்புல்லையும் மிளகையும் இடித்து தண்ணீர் விட்டு நான்கில் ஒரு பங்காகும் வரை காய்ச்சி வடிகட்டி குடிக்கலாம். இந்தக் கசாயத்தை உணவுக்கு முன் குடிக்க வேண்டும்.

பலன்கள்:

மழைக்கால பூச்சிக்கடி, உடல் அரிப்பு, தோல் தடிப்பு, ரத்த சுத்திகரிப்பிற்கு நல்ல மருந்தாகும்.

🌺சீரகம் - ஓமம் கசாயம்

தேவையானவை:

ஓமம் - 20 கிராம்,

சோம்பு - 10கிராம்,

சீரகம் - 5 கிராம்,

உத்தாமணி (வேலிப்பருத்தி) இலை - சிறிதளவு

செய்முறை:

ஓமம், சோம்பு, சீரகம் ஆகிய மூன்றையும் தண்ணீர் சேர்த்து நான்கில் ஒரு பங்காகும் வரை காய்ச்ச வேண்டும். நீர் கொதிக்கும்போது, அதில் உத்தாமணி இலையை போட்டு இறக்கி வடிகட்டி குடிக்கலாம்.

பலன்கள்:

குழந்தைகளுக்கு ஏற்படும் வாந்தி, வயிறு மந்தம், நெஞ்செரிச்சல், செரிமான கோளாறு பிரச்னைகளுக்கு சிறந்த நிவாரணம் தரும்.

🌺ஆடாதொடை கசாயம்

தேவையானவை:

ஆடாதொடை இலைகள்- 10,

சுக்கு - 10 கிராம்,

மிளகு - 10 கிராம்,

கிராம்பு (லவங்கம்) - 5 கிராம்

செய்முறை:

ஆடாதொடை இலைகள், சுக்கு, மிளகு, கிராம்பு நான்கையும் சேர்த்து தண்ணீர் விட்டு அந்த தண்ணீர் நான்கில் ஒரு பங்காகும்வரை காய்ச்சி வடிகட்டி குடிக்கலாம்.

பலன்கள்:

தொண்டை கரகரப்பு, மார்பு சளி, மூச்சிரைப்பு (wheezing ) ஆகிய பிரச்னைகளுக்கு நல்ல பலன் தரும்.

🌺கற்பூர வள்ளி - வெற்றிலை கசாயம்

தேவையானவை:

கற்பூரவள்ளி இலை- 4, வெற்றிலை - 4 , தூதுவளை இலை- 2 , சுக்கு, மிளகு - சிறிதளவு

செய்முறை:

கற்பூரவள்ளி, வெற்றிலை, தூதுவளை ஆகியவற்றுடன் மையாக அரைத்த சுக்கு, மிளகைச் சேர்த்து கொதிக்கவைத்து பருகலாம். குழந்தைகளுக்கு கொடுக்கும்போது கசாயத்துடன் தேன் சேர்த்து கொடுக்கலாம்.

பலன்கள்:

தலைபாரம், தலை நீர்கோர்த்தல், கபம் சளி சேர்தல், தும்மல், நீர்சத்து குறைவு Dehydration (டிஹைட்ரேஷன்), Sinus போன்ற பிரச்னைகளுக்கு நலன் பலனளிக்கும்.

🌺கபசுர கசாயம்

தேவையானவை:

சுக்கு, திப்பிலி, லவங்கம், சிறுகஞ்சொறி வேர், அக்ரகாரம், முள்ளிவேர், கடுக்காய்த் தோல், ஆடாதொடை, கற்பூரவள்ளி, கோஷ்டம், சீந்தில்கொடி, சிறுதேக்கு (கண்டு பரங்கி), நிலவேம்பு, வட்டத்திருப்பி, முத்தக்காசு. (இந்த பொருட்கள் அனைத்தும் நாட்டு மருந்து கடைகளில் கிடைக்கும்)

செய்முறை:

இந்த பொருள்கள் அனைத்தையும் சம அளவு எடுத்துக்கொண்டு அதனுடன் நீர் சேர்த்து நான்கில் ஒரு பங்காகும்வரை காய்ச்சி வடிகட்டி குடிக்கலாம்.

பலன்கள்:

எந்தவொரு காலங்களில் வரும் எல்லாவிதமான கிருமி தொற்றுக்களை/ தடுக்கவும், நுரையீரல் சுவாசப்பாதைகளை சுத்தப்படுத்தவும், ஒட்டுண்ணி காய்ச்சல்களை குணமாக்கவும் இந்த கசாயம் உதவும்.

கவனம்:

மேற்கண்ட கசாயங்களை 15 வயதுக்குட்பட்டவர்கள் 30 மி.லியும், பெரியவர்கள் 60 மி.லியும், காலை, மாலை இருவேளைக்கு மூன்று நாள்கள் குடிக்கலாம். ஒட்டுண்ணி காய்ச்சல், உடல் சோர்வு, மூச்சு திணறல் உள்ளவர்கள்  இந்த கசாயத்தை  எடுத்துக்கொள்ள வேண்டும்.

தகவல்கள்- மைக்கேல்ராஜ், பசுமைப்பாதை.

98430 85615, 99430 85615.